Црна хроника
Јанкулоска: Одговорноста за пропустите на локалната полиција е лоцирана
Министерката за внатрешни работи Гордана Јанкулоска по акцијата „Детонатор“ во којашто беа детектирани пропусти на локалната полиција при справувањето со криминалот на групата која сеела страв во источна Македонија, вели дека одговорноста за пропустите е лоцирана.
“Одговорност има, но засега не би изнесувала имиња“, рече министерката.
Таа го повлекла својот предлог за именување на командир полициската станица во Кочани од дневниот ред на седницата на Советот на општина Штип. Според неа, ќе има нов предлог за командир, кој требаше да се избира во петок.
За обвинувањата на опозицијата дека власта со оваа акција ја замајува јавноста Јанкулоска вели дека самата операција е најдобар показател дека криминалот нема поддршка од полицијата.
Криминалната група според проценките на МВР имала заработка од околу 100.000 евра месечно од нелегалното коцкање. Синоќа акцијата се прошири во Крива Паланка каде беа запленети над 200 апарати за игри на среќа во објекти со кои управувале дел од уапсените.
При претресите се запленети и две маси за електронски рулет, како и 150 парчиња муниција и неколку парчиња оружје./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Свети Николе, пронајдена дрога
На 19.04.2024 во 12.00 часот во Свети Николе, полициски службеници од Полициската станица Свети Николе ги лишиле од слобода Д.С.(34) и Д.С.(34), двајцата од Свети Николе. При претрес во нивниот дом, извршен со судска наредба, била пронајдена и одземена марихуана.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Приведен дилер во Охрид, пронајдена дрога
Денеска (20.04.2024) во 00.55 часот во Охрид, полициски службеници од Одделението за недозволена трговија со дрога и оружје при СВР Охрид го лишиле од слобода Б.Н.(33) од Охрид. Откако бил забележан од полициските службеници во неговото возило, тој фрлил кесичка со бела прашкаста материја која била пронајдена и одземена.
Подоцна, со судска наредба, бил извршен и претрес во неговиот дом, при што биле пронајдени и одземени бела прашкаста материја, дигитална вага со остатоци од бела прашкаста материја и други предмети со остатоци од бела прашкаста материја.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.