Црна хроника
Му го украле моторциклот додека чекал на семафор
Две лица нападнале 19-годишен кумановец и му го одзеле моторциклот марка „Априлиа“ што со кој се превезувал во моментот на нападот.
Инцидентот се случил во неделата околу 22:00 часот додека кумановецот чекал на црвено светло на крстосницата од улиците „Нова Југославија“ и „11-ти Октомври“ во Куманово. Прво, еден од напаѓачите седнал зад него и го фатил за врат, викајќи му да сопре. Откако нападнатиот тргнал, пришол и вториот напаѓач и го удрил кумановецот по лицето. Откако нападнатиот сопрел, напаѓачите му го одземале моторциклот и побегнале во непознат правец.
Кумановската полиција трага по нив. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен дилер во Охрид, пронајдена дрога
Денеска (20.04.2024) во 00.55 часот во Охрид, полициски службеници од Одделението за недозволена трговија со дрога и оружје при СВР Охрид го лишиле од слобода Б.Н.(33) од Охрид. Откако бил забележан од полициските службеници во неговото возило, тој фрлил кесичка со бела прашкаста материја која била пронајдена и одземена.
Подоцна, со судска наредба, бил извршен и претрес во неговиот дом, при што биле пронајдени и одземени бела прашкаста материја, дигитална вага со остатоци од бела прашкаста материја и други предмети со остатоци од бела прашкаста материја.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.