Црна хроника
Пронајдениот „Опел“ бил на местото на петкратното убиство
Возилото „Опел“ со скопски регистарски таблички, што полицијата во неделата го најде десетина километри од Смилковското езеро, било на местото на петкратното убиство, информираше министерот за внатрешни работи Гордана Јанкулоска.
Утврдено е дека регистарските таблички припаѓаат на друго возило. Според информациите, опелот бил донесен од странство и не бил регистриран во Македонија. Полицијата побара и помош од граѓаните.
„Возилото во Република Македонија е донесено од странство. Овие регистарски таблички што ги гледате на сликата припаѓаат на сосема друго возило, што значи не е регистрирано веќе некое време во Република Македонија, што сугерира дека возилото не било во редовен сообраќај и токму затоа од посебно значење е информацијата доколку некој граѓанин го видел ова возило непосредно во деновите што му претходеле на убиството“, изјави Јанкулоска, која побара дополнително време за резултати од анализата на трагите во возилото.
Прашана за коментар по објавените информации во дел од српските медиуми дека постои жив сведок на петкратното убиство, чиј идентитет се крие, Јанкулоска со став:
„Сакам да апелирам до сите медиуми да се воздржат од шпекулации, бидејќи не е исклучена можноста дека во овој период, додека истрагата сеуште трае ќе има секакви шпекулации кои не секогаш се добронамерни и ќе има секакви провокации за изнесување на детали во јавноста кои во крајна линија може да одат единствено на штета на истрагата. Уште еднаш сакам да се обратам до сите вас за дополнително трпение, бидејќи сите информации кои сметаме дека може да ги споделиме со јавноста ќе ви бидат ставени на увид“.
Јанкулоска, во пресрет на неколкуте најави за собирања на граѓани пред Соборниот Храм и пред Владата за попладнево, повика тоа да се направи мирно и воздржано, со цел да не дојде до нарушување на јавниот ред и мир. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.