Црна хроника
Јанкулоска: Не се точни информациите дека убијците се фатени
Целиот полициски врв попладнево цели три часа беше на средба со премиерот Никола Груевски и како што соопшти министерката Гордана Јанкулоска направиле реконструкција на петкратното убиство кое се случи кај Смилковци и ги разгледале сите аспекти на убиството.
Сепак Јанкулоска и денеска не излезе со детали за истрагата ценејќи дека тоа би му наштетило на целиот процес. Таа ги отфрли информациите кои се појавија во јавноста дека убијците се фатени и дека дел од нив биле од Косово.
„Во оваа прилика би сакала да ја искористам можноста да одговорам на сите оние информации кои неофицијално се проширија во јавноста и да апелирам на воздржаноста од страна на сите медиуми и воедно да го поздравам апелот на ЗНМ за објективно и професионално известување. Објавување на сензационалистички информации од типот дека сторителите се веќе фатени или од типот дека МВР е на само чекор од нивно откривање за жал во овој момент не се точни“ изјави Јанкулоска.
Министерката соопшти дека идентитет на убијците не е познат, но дека министерството има претпоставки колку лица учестувале во убиството, но сè уште ги проверуваат овие информации. Во врска со возилото „опел“ кое се покажа дека учествувало во убиството, полицијата нема нови информации. Засега полицијата не ги отфрла сите сценарија за убиството, но Јанкулоска не сакаше да ја коментира изјавата на поранешниот министер за внатрешни работи, Павле Трајанови дека се работи за терористички акт.
„Во оваа фаза цениме дека објаснување во детали на сè она што е ново не може да оди во прилог на истрагата, може само да ни ја отежни работата, и на сторителите да им олесни“ рече Јанкулоска која не сакаше да ги коментира ниту мотивите за убиството.
Јанкулоска рече дека полицијата нема да падне во замката за коментирање на секоја шпекулација објавена во странските медиуми околу текот на истрагата.
Минатата недела крвнички беа убиени четири момчиња од населбата Радишани и еден повозрасен жител кај езерото во Смилковци. Сè уште не се знае кој и зошто го сторил ова грозоморно убиство./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.