Црна хроника
Приведените од „Монструм“ изведени пред истражен судија
Вкупно 20 лица приведени во акцијата „Монструм“, утрово по распитот во полициски станици беа изведени пред истражен судија.
Во вчерашната акција беа направени претреси на 26 локации и беа приведени 20 лица осомничени дека учествувале во убиството кај Смилковското езеро. Против нив се поднесени кривични пријави за „тероризам“.
Министерката за внатрешни работи, Гордана Јанкулоска вчера соопшти дека уапсените се радикални исламисти и дека нивната цела била да создадат чувство на несигурност и страв кај пошироката популација.
Дел од приведените војувале во Авганистан и во Пакистан на страна на талибаните и радикалните исламисти, против силите на меѓународната коалиција предводена од НАТО.
Меѓу уапсените има лица кои се директно инволвирани во убиството кај Смилковското езеро, меѓутоа има и лица за кои нема податок дека биле на местото на настанот во критичниот момент.
На 12 април беа убиени четири момчиња на возраст од 18 до 20 години и еден 45-годишен жител на Црешево, додека ловеле риба на Смилковското езеро./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.