Црна хроника
Ограбени две цркви во демирхисарско и кичевско
Две цркви во Сопотница, демирхисарско и во Прострање, кичевско, биле цел на непознати крадци.
Во првиот случај, црквата „Св. Никола“ во Сопотница е ограбена во периодот од 30-ти април до 5-ти мај, при што се украдени 5.500 денари и сребрен крст. Кражбата е извршена откако сторителот ја обил влезната врата на црквата, влегол внатре и ги украл парите и крстот. Битолската полиција работи на расветлување на случајот.
Во вториот случај, црквата „Св. Никола“ во Прострање е ограбена меѓу петокот и саботата, при што се одземени три ненумерирани икони и неколку железни монети. Слично како и во демирхисарско, крадецот ја обил влезната врата и го извршил грабежот. Кичевската полиција работи на расветлување на случајот. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.