Црна хроника
Спречен нов транспорт на азиски мигранти до Лојане
Во саботата Регионалниот центар за гранични работи Север до основното јавно обвинителство за организиран криминал и корупција Скопје, поднесе кривична пријава против жител на од селото Ваксинце….
Во саботата Регионалниот центар за гранични работи Север до основното јавно обвинителство за организиран криминал и корупција Скопје, поднесе кривична пријава против жител на од селото Ваксинце, општина Липково, поради основано сомнение дека сторил кривично дело „криумчарење на мигранти“, а од страна на Истражен судија му е изречена мерка притвор 15 дена.
По претходно добиени сознанија дека на автобуската станица во Скопје се качила поголема група лица со статус мигранти, во автобус на кумановската компанија „Југ-турист“ од Куманово, кој сообраќал на редовна линија Скопје – Куманово, полициските инспектори од Куманово кај село Речица сопрело автомобил „фолксваген пасат’ со кумановски регистерски таблички којшто го возел сега притворениот 43-годишник со иницијали Б.А.
При прегледот во возилото биле најдени и приведени пет лица од Авганистан, на возраст меѓу 19 и 25 години.
Пријавениот жител на кумановското село Ваксинце при распитот изјавил дека иако знаел оти се работи за странски државјани мигранти, прифатил да изврши нивно префрлување до кумановското село Лојане за сума од 20 евра.
Авганистанските мигранти се сместени во Прифатниот центар за странци поради обезбедување на присуство во текот на судската постапка.
Во текот на април македонската полиција спроведе неколку акции во кумановското село Лојане, при што беа откриени над стотина емигранти од Пакистан и Авганистан.
Во една беа приведени двајца кумановци кои се договориле за 30 евра по лице да ги превезат поголема група мигранти до селото Лојане, во близина на северната граница кон Косово и Србија. Кумановската полиција тогаш откри вкупно 59 мигранти од Авганистан, Пакистан и Кина во куќа во Лојане, меѓу кои имало четири деца и една бремена жена.
Во кумановско Лојане се откриени голем број мигранти кои преку Македонија сакаат да стигнат во Западна Европа, па 38-годишен жител на Лојане им наплаќал по пет евра од човек секој ден за престој во неговата куќа. Тој дневно земал 300 евра, а месечно 9.000 евра. Нему помогнал Пакистанец кои со уште четири лица грабнал двајца мигранти од Пакистан и ги однел во куќата на жителот на Лојане. Таму ги малтретирале психички и физички и им барале да им дадат 4.000 евра за да ги пуштат до одат во Србија.
Претходно во април припадници на СВР Куманово, Интерпол во Македонија и Бугарскиот одел за организиран криминал во куќата на жител од Лојане пронајдоа 21 странски државјанин, 19 лица од Авганистан и две лица од Пакистан, како и 543 грама марихуана, 3.040 евра , пет СИМ картички, осум мобилни телефони, две радио врски, ловечка пушка, еден ловечки елек и испратница од 2.100 евра од Вестерн унион.
Во првиот случај, кривична пријава заработи 33-годишна скопјанка која им обезбедила преноќиште на 13 илегални мигранти од Алжир, Мароко, Еритреја, Судан и Тунис во куќа на улицата „Иво Лола Рибар“. Мигрантите пристигнале во земјата на 6-ти април преку Гевгелија. За престојот за осум од нив наплатила 40 евра.
Во вториот случај, кривични пријава заработи 20-годишен Германец и 48-годишен скопјанец, кои вршеле превоз на група од седум пакистански државјани од Скопје до кумановското село Лојане. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.