Црна хроника
Кољо Американецот осуден на 18 години затвор
Кољо Николовски, познат како Кољо Американецот осуден е на 18 години затвор за измама, мито и перење пари во случајот за пропаста на Хрватската сојузна штедна задруга од Кливленд.
Во овој случај парите ги изгубија стотици штедачи, воглавно хрватски иселеници, јавија во недела локалните медиуми во американската држава Охајо, пренесува Хина.
Хрватската штедна задруга Сент Паул основана во 1943 година, пропадна пред две години, а со неа и 238 милиони долари заштеда на повеќе од пет илјади членови на задругата.
Судијата во Кливленд го прогласи Николовски за виновен за измама и го опиша како „насилник кој никогаш во животот не работел“, јавуваат локалните медиуми.
Николовски емигрираше од Македонија во САД во 1992 година, а во 2004 година доби американско државјанство. Заедно со Николовски за пропаст на Хрватската штедна задруга е обвинет и поранешниот управител на таа задруга Антони Рагуз (52) кој во септември 2011 година призна проневера на повеќе од 70 милиони долари што довело и до пропаст на штедилницата.
„Станува збор за веројатно најголемиот банкрот на некоја штедилница во американската историја“ оценија американските обвинители.
Обвинителството го опиша Рагуз како водач на измамата која траела повеќе од една деценија, а Николовски бил негов соработник.
Рагуз на повеќе од триста штедачи им одобрил илјадници лажни заеми во вредност од 70 милиони долари. Признал дека поделил милиони долари во заеми без никакво осигурување, и со тоа од корисниците на штедилницата од 2002 до 2010 примил најмалку милион долари во подароци.
Сојузните осигурителни компании им вратиле полни износи на заштеда на повеќе од пет илјади штедачи.
Уште во март 2010 година, само месец дена пред затворањето на банкротираната штедилница, Рагуз на акционерите им велел дека штедилницата работи одлично од крајот на 2009 година располага со имот од 238 милиони долари.
Цело време, како што тврдат сојузните истражни органи, Николовски и Рагуз се бавеле со измами и со лажни заеми краделе од штедилницата милиони долари.
Повеќе од половина од парите отишле на прекуморски банкарски сметки и на скапи автомобили, но на голем дел од парите сè уште не може да им се влезе во трага./крај/хи/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.