Црна хроника
Директор на ЈСП Турс нелегалано препродавал камп-приколки
Управителот на ЈСП Турс и претседателот на Управниот одбор на Македонија сообраќај нелегално препродавале камп- приколки и го оштетиле ЈСП Турс за над 1.300.000 денари.
Финансиската полиција им поднесе кривични пријави за злоупотреба на службената положба.
Иако постоел договор меѓу ЈСП Скопје и ЈСП Турс ДООЕЛ Скопје, според кој ЈСП Скопје се обврзал правно да го застапува ЈСП Турс ДООЕЛ, сепак директорот на ЈСП Турс без знаење на управниот одбор ангажирал надворешен адвокат на кој му платил 380 илјади денари.
Директорот и претседателот на Управниот одбор исто така нелегално купувале камп приколки стари 20 години за автокамп во Градиште во Охрид за цена повисока од пазарната.
Приколките најпрво ги набавувал претседателот на управниот одбор за 71 илјада денари, односно за 18.000 денари по приколка, а потоа му ги препродал на директорот на ЈСП Турс за 1.200.000 денари.
Директорот му исплатил на претседателот на управниот одбор и провизија за продадените приколки, за што немало никаков пишан документ. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.