Црна хроника
Еден загинат и четворица повредени во две одделни сообраќајќи кај Демир Капија
Едно лице загина, а четворица се повредени во две одделни сообраќајќи што во четврток наутро се случиле на патот Демир Капија – Удово и Неготино – Демир Капија.
Во првата несреќа, што се случила околу 09:30 часот на патот Демир Капија – Удово, кај местото Луткова река, дошло до судир на товарно возило со унгарски регистарски таблички и возило опел со кавадаречки регистрации. Во судирот загинал 49-годишен кавадарчанец, кој управувал со опелот. Поради несреќата, сообраќајот бил во прекин од 09:30 до 12:30 часот.
Во вториот случај, на патот Неготино – Демир Капија дошло до судир на возило фолксваген со српски регистарски ознаки и товарно возило МАН со гостиварски таблички. Во несреќата повредени се четири лица, од кои едно потешко.
Увидни екипи се излезени на местата на двете несреќи. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.