Црна хроника
Затворени кaзина и обложувалници во Гостивар
По акциска контрола на УЈП и МВР спроведена синоќа во Гостивар и околината затворени се три казина и една обложувачница кои работеле нелегално, информираа од СВР Тетово.
Инспекторите на УЈП и секторот за финасиски криминал во казината Твист, Зара 1 и Зара 2 во Гостивар, сопственост на И.М. и К.М. утврдиле неправилности во работењето и со потврда одзела околу 500 илјади денари и еден апарат за игри.
Во селото Форино е затворена и обложувачницата Бет-поинт од каде се запленети компјутерска опрема и извесна сума на пари.
Слична акција е спроведена и во Тетово каде биле контролирани пет касина. Инспекторите утврдиле дека две работат нелегално по што биле запленети петнасетина апарати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.