Црна хроника
Усмртила соселанка заради меѓусебна нетрпеливост
Триесет и петгодишна жителка на струмичкото село Смоларе нападнала и усмртила 76 годишна соселанка заради нарушени меѓусебни односи, соопшти полицијата.
Настанот се случил во недела околу 20 часот, кога 35 годишната М.С. забележала како 76 годишната Вера Ц. влегува во куќата на нејзината сосетка 91 годишната Д.Н., зела метален предмет-косер и насилно влегла во куќата, по што со металниот предмет и со бекатон тула ја удрила неколку пати Вера Ц. во пределот на главата, нанесувајќи и смртоносни повреди. По ова, М.С. физички ја нападнала и Д.Н. нанесувајќи и повеќе телесни повреди.
Извршен е увид на местото на настанот, телото на починатата е предадено за обдукција, а се преземаат мерки за целосно расчистување на случајот, по што против М.С. ќе биде поднесена соодветна пријава. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсена жена во Гостивар, ограбила продавница
Вчера во 13.15 часот во Гостивар, полициски службеници на СВР Тетово – Одделение за внатрешни работи Гостивар ја лишиле од слобода 47-годишната С.Ѓ., која непосредно пред тоа во трговски објект на улица „Илинденска“ во Гостивар противправно одзела неколку предмети, извести МВР.
Одземените предмети биле вратени во објектот, а по целосно документирање на случајот ќе следува соодветен поднесок.
Црна хроника
Приведен крадец во Кочани, расчистени седум кривични дела
По преземени оперативни мерки и активности, полициски службеници од ОВР Кочани при СВР Штип расчистија седум кривични дела, од кои пет кривични дела „тешка кражба“ и две „тешка кражба“ на дрзок начин извршени на територијата на Кочани од угостителски и продажни објекти и една од физичко лице, извести МВР.
„Поради постоење основи на сомнение дека е сторител на делата, на 27.03.2024 од слобода бил лишен Е.Р.(37) од Кочани. Во службен разговор во полициска станица тој ги признал кривичните дела, а поголем дел од украдените предмети биле пронајдени и вратени на оштетените граѓани“, соопшти МВР.
По целосно документирање на случаите, против него ќе бидат поднесени соодветни пријави.
Црна хроника
Тетовец ја истепал сопругата
Полициски службеници на СВР Тетово, вчеравечер околу 21 часот и 35 минути во Тетово го лишиле од слобода 40-годишниот тетовец М.Е.
Тој претходно бил пријавен од неговата 43-годишна сопруга дека во семејниот дом физички ја нападнал.
Задржан е во Полициската станица Тетово за целосно расчистување и документирање на случајот, по што ќе му биде изготвен соодветен поднесок, соопштија надлежните.