Црна хроника
Извлечено телото на удавеното момче во Дебарското езеро
Телото на удавеното момче од Дебар, Илиријан В.во Дебарското езеро е извлечено синоќа по 21 часот од страна на нуркачи на СВР Охрид и Агенцијата за заштита и спасување.
Петнаесетгодишниот полуматурантот кој заврши основно образование во дебарското училиште ,,Саид Најдени“ се удави вчера околу 16 часот во водите на Дебарското езеро во моментот кога заедно со уште неколу негови другарчиња се шетал со чамец во езерото, а потоа влегол во водата .
Обидите на неговите другари и неколку други млади останале неуспешни за да го спасат. Трагедијата се случи во месноста викана плажи, каде што и вчера поради високите температури имаше стотици млади.
И ова лето на брегот на Дебарското езеро нема спасувачи и покрај тоа што пред сезоната имаше најави дека ќе бидат ангажирани.
Исто така повеќегодишните најави дека ќе има уредување на плажата на оваа вештачко езеро не се реализирани и покрај големата потреба бидејки езерото е доста стрмно./крај/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.