Црна хроника
Шест години затвор за Ибрахим Сејдини, уапсен во „Монструм“
Шестгодишна затворска казна во петок му беше изречена на Ибрахим Сејдини, еден од уапсените во полициската акција „Монструм“ водена за петкратното убиство кај Смилковското езеро крај Скопје.
По првото одложување на судењето во петок околу пладне почна и заврши судскиот процес против Ибрахим Сејдини.
Сејдини е прогласен за виновен за недозволено изработување, држење и трговија со оружје. Во својот исказ пред судот тој кажа дека оружјето пронајдено кај него го набавил пред пет години во Качаник на Косово, за 500 евра, со намера да го препродаде во Македонија, но не успеал да најде купец во земјава.
Полицијата пронајде автоматска пушка, бомба „кашикара“, пет рамки за муниција, седум куршуми, борбени елеци и фантомки на таванот од неговата куќа обвиткатани со волна. Тврдеше дека никој од неговото семејство и неговите пријатели не знаел за оружјето.
„Отидов сам во Косово и се распрашав во кафеаните и чајџилниците од каде може да купам оружје ‘на црно’, така го најдов човекот од каде што го купив оружјето“, изјави пред судот Сејдини кој тврдеше дека откако го купил оружјето ниту го употребувал, ниту знаел да го употребува и дека цело време тоа стоело на таванот.
Во својот исказ што на моменти беше контрадикторен, прво рече дека оружјето го внел во земјата илегално, а потоа на прашање од обвинителот одговори дека го внел легално складирано во возило во багажникот, преку граничниот премин Блаце. Тврдеше дека најпрво не знаел дека држењето оружје е нелегално, а потоа тврдеше дека сакал да го пријави во полиција, но дека му било страв за да не лежи во затвор.
Сејдини призна дека е виновен и дека нелегално го држел оружјето и дека жали што сторил кривично дело.
Адвокатот на поголемиот дел од уапсените во акцијата „Монструм“, Насер Рауфи тврди дека обвинетиот Сејдини нема врска со другите осомничени за убиството кај Смилковци и дека воопшто не се познавале.
Процесот против Сејдини требаше да почне на почетокот од месецов, но беше одложено бидејќи обвинетиот од технички причини не беше донесен од притворот во Прилеп.
За истото дело се товари и уште еден од уапсените во акцијата „Монструм“, Назив Мемети.
Во акцијата „Монструм“ беа уапсени вкупно 20 лица за кои постоеше сомнение дека се вмешани во петкратното убиство кое се случи на 12-ти април на Смилковското езеро, кога беа убиени четири млади момчиња и еден средновечен маж.
Десетмина од уапсените беа ослободени откако судот утврдил дека немаат врска со петкратното убиство. Тројца од уапсените се товарат дека се директни извршители на масакрот кај Смилковското езеро. Двајца од извршителите се во бегство. Истрагата за ова е се уште во тек и не се знае кога ќе започне судскиот процес./крај/фф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против битолчанец, ставил под хипотека туѓ недвижен имот во Охрид и стекнал корист од 352 илјади денари
СВР Охрид поднесе кривична пријава против 61-годишниот К. Р. од Битола поради постоење основи на сомнение за сторени кривични дела неизвршување судска одлука и самовластие.
„Тој, свесно и спротивно на судска пресуда, става под хипотека недвижен имот во Охрид сопственост на друго лице и на тој начин стекнал противправна имотна корист од 352.000 денари“, велат од СВР Охрид.
Топ
Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец
Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против правно лице од Скопје за сторено кривично дело узурпација на недвижности од чл. 225 од КЗ на РСМ.
А. Р. како сопственик и управител на второпријавеното правно лице подолг временски период противправно завладеал имот, сопственост на државата, и го ставил во владение на своето правно лице.
Имотот што се наоѓа веднаш до цветниот пазар зад Поликлиниката ‘Бит-пазар’ во Скопје, кој претставува градежно неизградено земјиште во општа употреба во сопственост на државата, А. Р. противзаконски го оградил со наплатна рампа и куќарка за наплата на влез-излез на предметното земјиште, каде што за секој влез-излез наплаќал соодветен паричен надомест и на тој начин го оневозможил слободното движење и користење на предметниот простор од страна на граѓаните и институциите на РСМ.
Црна хроника
Уапсен 39-годишник од Студеничани, возел „џип компас“ евидентиран во базата на Интерпол како украден
Вчера попладне, во 15.40 часот, на граничниот премин Долно Блаце, полициски службеници го лишиле од слобода 39-годишниот Џ. Р. од село Црн Врв, општина Студеничани, извести МВР.
„При извршена гранична контрола било констатирано дека патничкото возилото ‘џип компас’, со италијански национални ознаки, кое го управувал, сопственост на правно лице од Италија, е евидентирано во базата на Интерпол како украдено“, соопшти МВР.
Тој бил задржан во Полициското одделение Мирковци, а возилото било одземено за понатамошна постапка. По целосно документирање на случајот, ќе биде поднесен соодветен поднесок.