Црна хроника
Ограбени два маркета во Скопје
Два маркети се ограбени ноќта помеѓу петокот и саботата, при што во едниот случај се работи за вооружен грабеж, а во другиот за провалување во објектот.
Првиот настан се случил во 22,30 часот, во Скопје на ул.„Волгоградска“ во колонијал на ТП „Кајо“, кога две маскирани лица од кои едното вооружено со пиштол извршиле разбојништво над Л. В. (48) од Скопје.Разбојништвото го извршиле на тој начин што со закана со пиштол и побарале на Л.В. да им ги даде парите, по што едното од нив ја фатило за вратот и ја спуштило на подот, а другото лице од касата и од картонска кутија под работниот пулт одзело околу 17.000 денари, по што го напуштиле местото на настанот. Другиот случај е регистриран на ул.„Методија Митевски“ во маркет „Тедико супер“, сопственост на Р.Т. (59), кога непознат сторител извршил тешка кражба, при што одзел разни видови на цигари и ситни пари, а материјалната штета дополнително ќе биде утврдена.Тешката кражба сторителот ја извршил на тој начин што со подесен алат ја отворил вратата од металниот орман од електричната струја и ги демонтирал осигурачите , потоа го скршил излогното стакло од маркетот, влегол внатре, дошол до регистар касите каде извршил пребарување по фиоките и витрините и ги зел наведените предмети. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.