Црна хроника
Намален бројот на умрени од насилна смрт
Вкупно 527 лица умрела во текот на 2011 година во Македонија како последица од насилна смрт, што претставува намалување за 10,4 отсто, објави Државниот завод за статистика.
Во структурата на умрените од насилна смрт според полот, и во 2011 година, како и во претходните години, поголемо учество имаат машките лица и тоа 72,7 отсто.Најголемо учество во вкупниот број на случаи на насилна смрт, имаат „несреќните случаи“ со 70,2 отсто, по што следат„самоубиствата“ со 24,3 отсто и „убиствата“ со 5,5 отсто.Во категоријата „несреќни случаи“, најголемо учество имаат умрените лица од „други надворешни причини за случајна повреда“ со учество од 30,5 отсто. Потоа следуваат умрените лица во „транспортни несреќи“ со учество од 21,3 отсто и „други несреќи при сувоземен транспорт“ со застапеност од 13,7 отсто во однос на вкупно умрените од насилна смрт. Најголемо учество во категоријата „самоубиства“,имаат случаите кај коишто смртта настапила поради „бесење, странгулација и суфокација“ со учество од 15,6 отсто.Во категоријата „убиства“, најголемо учество имаат случаите на „обид за нанесување на телесна повреда на неозначен начин“ со 2,3 отсто од вкупниот број на случаи на насилна смрт.Умрените од насилна смрт во вкупниот морталитет учествуваат со 2,7 отсто. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.