Црна хроника
Разбиена криминална група што фалсификувала документи
Вкупно 18 лица заработија кривични пријави за злосторничко здружување и фалсификување исправа откако по повеќемесечна меѓународна истрага е откриена група што фалсификувала разни видови документи.
Се работи за 17 македонски и еден косовски државјанин, кои набавувале и фалсификувале странски патни исправи, лични карти, возачки дозволи, осигурителни картички, дипломи, а изготвувале и документи и исправи од институциите на Македонија.
Групата подолг временски период се занимавала со набавување различни странски и домашни документи, односно оригинални важечки документи и бланко обрасци, на кои потоа по претходен договор со лица – посредници од повеќе земји во регионот и земјите на ЕУ, со употреба на специјална опрема вметнувале податоци и фотографии од лица „нарачатели“ на фалсификуваните документи.
Криминалната група имала добро разработен начин на делување, така што по остварени телефонски контакти, лични средби и договори посредниците електронски доставувале фотографии и податоци за лицата за кои биле наменети фалсификуваните документи и видот на документот кој треба да биде изработен, а согласно на видот и квалитетот на фалсификуваниот документ била определувана и цената која се движела од 100 евра до 3.500 евра.
Во текот на недела во рамки на акцијата „Кондор“, биле извршени претреси во Скопје, сопственост на дел од пријавените лица, при што се пронајдени опрема и средства кои биле користени за изработка на фалсификуваните документи: шест компјутери, еден Лап Топ компјутер, 84 бланко картички, фолии за пластифицирање, фалсификувани косовски дипломи, специјални лупи, машина за пластифицирање, бланко фолии, фотографии и фотокопии од документи од лица, десет принтери, едно УСБ, фотографии од лица и други предмети.
Дел од припадниците на организираната група и претходно се пријавувани за различни кривични дела, додека еден од нив треба да издржува и десетгодишна казна за сторено кривично дело убиство. Целата група, според оперативните сознанија на полицијата, подолг период наназад, во изминативе десетина години се занимавала со фалсификување на документи.
Уапсени се вкупно 12 членови на групата на возраст од 21 до 62 години од Скопје и Прилеп, додека шест од нив не се достапни за полицијата.
Акцијата „Кондор“ е спроведена по повеќемесечна меѓународна истрага со полициските служби од земјите од регионот (Косово, Црна Гора, Бугарија) како и полициите на Австрија, Холандија и други земји, а во координација со ЕУРОЏАСТ и СЕЛЕК центарот во Букурешт. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.