Црна хроника
Закани со нож за регионалниот координатор на ВМРО-ДПМНЕ во Битола
Битолчанец со нож му се заканувал на регионалниот координатор на ВМРО-ДПМНЕ за Битола, Зоран Илиовски кој е актуелен директор на јавното претпријатие „Водовод“, јавува битолската телевизија „Тера“.
Четириесет и деветгодишниот битолчанец во вторникот вечерта околу 21 часот заѕвонил во станот на Илиовски и почнал да се расправа со него.
Од појасот на пантолоните извадил нож и со него замавнал кон Илиовски, но тој успеал да ја затвори влезната врата од станот.
Напаѓачот продолжил да удира по вратата и да се заканува по неговиот живот и по животот на членовите од неговото семејство и заминал.
СВР-Битола презема мерки за пронаоѓање на сторителот. Локалниот лидер на ВМРО ДПМНЕ во телефонски разговор за Тера не сакал да го коментира немилиот настан кој се случил синоќа, ниту пак, мотивите на напаѓачот, оставајќи полицијата да си го расветли случајот./крај/тера/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.