Црна хроника
Се преврте скутер, еден загинат, едно лице во животна опасност
Едно лице го загуби животот, а уште едно се бори за живот при превртување на скутер на Охридското Езеро, јави Охридњуз.
Несреќата се случила во четврток попладнево околу 17.30 часот на околу еден километар од брегот, во близина на струшкото село Калишта. Очевидци го пријавиле случајот во полицијата, а веднаш била повикана и брза помош. На местото на превртениот скутер било пронајдено мртво машко лице, додека вториот патник, женско лице, е тешко повредено. Таа е пренесена во струшката болница каде лекарите се борат за нејзиниот живот. На местото на несреќата во тек е полициски увид кој треба да ги разјасни причините за трагедијата. Денешната несреќа, е петти инцидент од неделата наваму на Охридското Езеро. Претходно на Машка плажа скутер удри во педалинка при што беше повредениот 21 годишно момче, додека во друг инцидент 11 годишно девојче се здоби со повреди во пределот на десната потколеница кога во неа удри скутер во плитки води на плажа. Вчера скутерџии предизвикаа проблеми и на две охридски плажи. Поради зачестените инциденти Министерството за транспорт предвреме денеска ја активираше мерката за ограничување на пловидба на скутери со мотор посилен од 45 киловати, која требаше да почне на 20 јули. За жал на првиот ден од нејзината примена се случи нов, овојпат трагичен инцидент во кој има и жртва. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.