Три заталкани куршума се регистрирани викендов во Гостивар, Тетово и Скопје, при што едно лице е повредено, соопшти полицијата.

Во саботата околу 22,30 часот во Гостивар на улица Никола Тесла, во дворот од куќата на Ѓ.К.(1933), додека седел со повеќе лица, С.Н.(1969) од Гостивар, се здобил со прострелна рана од огнено оружје во пределот на левата страна на градниот кош.

По настанот С.Н. е пренесен во МЦ-Гостивар, каде му е укажана лекарска помош, по што е пренесен во Ургентен центар-Скопје.

Во периодот меѓу петок и сабота од 16,00-06,30 часот од страна на непознат сторител од засега непознат правец од огнено оружје испукан е еден куршум, кој завршил во дрвена округла маса, која била поставена во дворот на семејната куќа на улица Хо Ши Мин, сопственост на И.Н.(1953).

Проектилот од испуканиот куршум причинил незначителна материјална штета и во тој период немало никој од сопствениците.

Во истиот период, во Тетово на улица 108, од залутан проектил оштетено било ветробранското стакло на “Опел Манта“, сопственост на Е.В.(1960), кое било паркирано во дворот на куќата лоцирана на наведената адреса.

На возилото е причинета материјална штета од околу 12.000 денари. /крај/со/ст