Црна хроника
Албански државјани уапсени со дроги во Ријека и во Атина
Во грчката престолнина Атина во саботата е уапсен 34 годишен албански државјанин кај кого се пронајдени 20 кгр хероин, додека во хрватскиот присатнишен град Ријека е уапсен негов 25-годишне сонародник со 10 килограми марихуана.
Атинската полиција за приведениот државјанин на Албанија поднела обвинување за поседување и шверц на хероин, кокаин и марихуана, откако ја пребарала куќата во којашто живеел каде што ја чувал дрогата.
Во полициската акција биле откриени 20 килограми хероин, 203 грама кокаин, околу 900 грама марихуана и 2,4 килограма супстанца којашто се користи за мешање на хероинот, во вкупна вредност од околу милион евра.
Покрај дрогата, атинската полиција во куќата на албанскиот имигрант открила и автоматска пушка со придушувач, три пиштола, исто така, со придушувачи, 700 парчиња куршуми со различни калибри.
Грчката полиција трага поп уште неколкумина соработници на уапсениот, исто така албански државјани, за кои постои сомневање дека ја криумчареле дрогата од Албанија во Грција. Меѓутоа, нема информација дали дрогата била наменета за грчкиот нарко пазар или требало да биде транспортирана во некоја од западните земји.
Медиумите потсетуваат дека пред извесно време грчката полиција во градот Калитеа уапси албански државјанин откако кај него биле пронајдени 18 килограми хероин, 450 грама кокаин, 6 килограми марихуана, и околу 5 кила материја за мешање на дрогите, два „калашникова“ и еден пиштол. Меѓутоа, уште не е познато дали станува збор за лица од иста нарко мрежа.
Во саботата, пак, хрватската полиција во Ријека уапсила 25-годишен албански државјанин при обид да прошверцува 19 пакети со вкупно 9,6 килограми марихуана со илегално минување на границата. Кај него била пронајдена мапа на ријечкиот крај со означени места за преминување на границата.
Хрватската полиција соопшти дека ја продолжува истрагата./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсена жена во Гостивар, ограбила продавница
Вчера во 13.15 часот во Гостивар, полициски службеници на СВР Тетово – Одделение за внатрешни работи Гостивар ја лишиле од слобода 47-годишната С.Ѓ., која непосредно пред тоа во трговски објект на улица „Илинденска“ во Гостивар противправно одзела неколку предмети, извести МВР.
Одземените предмети биле вратени во објектот, а по целосно документирање на случајот ќе следува соодветен поднесок.
Црна хроника
Приведен крадец во Кочани, расчистени седум кривични дела
По преземени оперативни мерки и активности, полициски службеници од ОВР Кочани при СВР Штип расчистија седум кривични дела, од кои пет кривични дела „тешка кражба“ и две „тешка кражба“ на дрзок начин извршени на територијата на Кочани од угостителски и продажни објекти и една од физичко лице, извести МВР.
„Поради постоење основи на сомнение дека е сторител на делата, на 27.03.2024 од слобода бил лишен Е.Р.(37) од Кочани. Во службен разговор во полициска станица тој ги признал кривичните дела, а поголем дел од украдените предмети биле пронајдени и вратени на оштетените граѓани“, соопшти МВР.
По целосно документирање на случаите, против него ќе бидат поднесени соодветни пријави.
Црна хроника
Тетовец ја истепал сопругата
Полициски службеници на СВР Тетово, вчеравечер околу 21 часот и 35 минути во Тетово го лишиле од слобода 40-годишниот тетовец М.Е.
Тој претходно бил пријавен од неговата 43-годишна сопруга дека во семејниот дом физички ја нападнал.
Задржан е во Полициската станица Тетово за целосно расчистување и документирање на случајот, по што ќе му биде изготвен соодветен поднесок, соопштија надлежните.