Црна хроника
Нападнати полицајци во два одделни инциденти во Скопје
Униформирани полицајци биле нападнати во изминатото деноноќие во Скопје додека ја вршеле својата должност во два одделни случаи, соопшти во четвртокот Министерството за внатрешни работи.
Првиот инцидент е регистриран во средата рано изутрина ул.„Лука Геров, кога од страна на двајца униформирани службеници, било запрено патничко возило „Пежо“, во кое биле три лицаДодека полицајците пишувале платен налог за наплата на глоба поради сторен прекршок, на местото на настанот пристигнале две други лица, кои не биле во пежото.Едниот од нив во еден момент почнал да му вика на едниот полицаец, по што тој му побарал документи за идентификација и кога се упатил кон него тој го фатил за десната рака, го удрил и турнал со двете раце во пределот на градите, по што лицето го искористил моментот, и со трчање избегал, во правец кон ул.„Лука Геров“.Додека вториот полицаец се обидувал да му помогне на колегата, истиот бил спречен од страна еден од сопатниците во пежото, туркајќи го во пределот на градите. Истиот побарал помош преку радио врска, по што лицата биле приведени во полициска станица за понатамошна постапка. Вториот инцидент се случил околу 21,00 часот во Скопје на ул.„Јабланица“, каде по предходна пријава за нарушен ред, на лице место излегол униформиран полицаец.При превземање на службени дејствија, тој бил нападнат од М.Д.(1984) со тупаници во пределот на градите и му нанел видливи повреди, расекотина на прстот и му искинал дел од службената униформа. ПС-Кисела Вода презема мерки за целосно расчистување на случајот и поднесување на соодветна пријава. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.