Црна хроника
Италијански пензионер се обидел да прошверцува 50 куршуми
Царинските службеници на Аеродромот Александар Велики во Скопје кај италијански пензионер роден 1930 година, во понеделникот изутрината открија 50 непријавени куршуми со калибар 6,35мм.
Околу 08:00 часот на Аеродромот Александар Велики во Скопје за излез од државата со лет за Цирих се пријавил италијански државјанин. Во тешкиот багаж кој пријавениот го чекирал за летот, при ренгенска контрола од страна на аеродромските служби била забележана сомнителна содржина, по што бил повикан царински службеник. При преглед на торбите, во присуство на пријавениот, во чевел, завиткани во фолија биле пронајдени 50 парчиња муниција. При распитот, пријавениот изјавил дека куршумите ги купил од непознато лице на пазар во Битола, и без знаење на сопругата, инаку македонска државјанка, ги сокрил во торбата, помеѓу останатите алишта. На прашање зошто ги криел куршумите, пријавениот одговори дека не знаел дека треба да ги пријави, а и пазарџиите во Битола му рекле дека може слободно да ги изнесе од Македонија. Поради постоење на основано сомнение дека сторил кривично дело „Недозволено изработување, држење и тргување со оружје или распрскувачки материи“ против осомничениот ќе биде поднесена кривична пријава. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.