Црна хроника
Тешки кражби низ Македонија, крадат злато и пари
Три тешки кражби биле извршени во понеделник во Гостивар и во Штип, при што се украдени големи количини злато, евра и денари, соопшти МВР.
Од 20 до 23 часот, во понеделник во Гостивар на ул. „Сервет Бајрами“, непознат сторител преку полуотворен прозор влегол во куќата на Л.В.(34) и извршил тешка кражба, од каде одзел ташна во која имало златен накит, во вредност од околу 10.000 до 15.000 евра.
Извршен е увид на местото на настанот, а се преземаат мерки за откривање на сторителот.
Дента околу 11.45 часот, во СВР Штип Л.Ј.(54) од Штип пријавил дека во неутврден временски период на ул. „Козјак Планина“ од страна на непознат сторител во нејзиниот дом е извршена тешка кражба и е одземена поголема количина златен накит и 1.000 евра, причинувајќи вкупна материјална штета од околу 354.000 денари.
Се преземаат мерки за откривање на сторителот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.