Црна хроника
Штитеник од домот „25.Мај“ украл 100.000 денари
Полицијата поднесе кривична пријава до надлежното ОЈО-Скопје и го предаде лицето О.А. (17), штитеник на јавната установа за згрижување на деца без родители „25 Мај“-Скопје, поради сомневање дека во понеделникот извршил тешка кражба во стан.
Малолетникот при кражбата на станот се стекнал со противправна имотна корист од околу 100.000 денари, а Истражен судија на пријавениот веќе му одреди мерка притвор во траење од 30 дена.
Имено, вчера околу 12 часот О.А. пристигнал на булеварот 2Партизански одреди“ каде што прво заѕвонил на вратата од станот и кога се уверил дека нема никој во станот, со удар со нога ја отворил влезната врата и влегол внатре.
По извршеното претурање и пребарување по станот, пронашол и одзел златен и сребрен накит, денарски средства и два мобилни телефони.
Вревата што притоа ја направил со обивањето на вратата и со претурањето по станот ја чул сосед на оштетениот кој телефонски го пријавил случајот во Центарот за информирање и команда.
Со брза интервенција на полициски службеници од Единицата за спречување на уличен криминал “Алфа“, пријавениот е затекнат во непосредна близина на местото на настанот, каде е лишен од слобода и приведен во Полициската станица од општа надлежност Кисела Вода.
По извршениот разговор, како и по претходно преземени мерки и активности е утврдено дека О.А. е можен сторител и на други кривични дела, за што по обезбедување на материјални докази и документирање, ќе следуваат соодветни поднесоци.
Пријавениот уште како четиринаесет годишник е регистриран сторител на имотни деликти за што досега му се поднесени 44 кривични пријави./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Три лица искасани од кучиња скитници во Скопје
Три лица пријавиле во полициските станици во Скопје дека биле каснати од куче скитник во текот на вчерашниот ден, извести МВР.
На 28.03.2024 во 18.45 часот во Полициската станица Аеродром, Л.Ј.(64) од Скопје пријавила дека на пешачка патека во населбата Ново Лисиче во Скопје била касната од куче скитник.
На 28.03.2024 во 12.40 часот во Полициската станица Карпош, М.Ч.(34) од с.Катланово, скопско, пријавила дека на бул.„Митрополит Теодосиј Гологанов“ во Скопје била касната од куче скитник.
На 28.03.2024 во 17.00 часот во Полициската станица Гази Баба, А.Д.(21) од Скопје пријавил дека на ул.„Финска“ во Скопје бил каснат од куче скитник.
Црна хроника
Во судир помеѓу „бмв“ и мотоцикл тешко повреден 23-годишник од Скопје
Вчера во 13.30 часот во СВР Скопје било пријавено дека на крстосницата од регионалниот пат Скопје–Тетово и локалниот пат село Сарај–село Глумово се случила сообраќајна несреќа помеѓу патничко возило „бмв“ со скопски регистарски ознаки, управувано од 21-годишниот С.О. од Република Турција, со престој во Скопје и мотоцикл со скопски регистарски ознаки, управуван од 23-годишниот Ф.Ќ. од Скопје, извести МВР.
Во несреќата со тешки телесни повреди се здобил мотоциклистот констатирани во Комплексот клиники „Мајка Тереза“, велат од МВР.
Извршен бил увид од увидна екипа од СВР Скопје.
Црна хроника
Тешко повредена скопјанка, во неа удрил „опел“
Вчера во 12.00 часот во СВР Скопје било пријавено дека на улицата „Јордан Мијалков“ во Скопје, патничко моторно возило „опел“ со скопски регистарски ознаки, управувано 38-годишниот Ј.К. од село Марино, општина Илинден, удрило во пешакот, 64-годишната М.Г. од Скопје, извести МВР.
– Во несреќата со тешки телесни повреди се здобила М.Г. констатирани во Градската општа болница „Св.Наум Охридски“, соопшти МВР.
Извршен бил увид од увидна екипа од СВР Скопје.