Црна хроника
Пиеле сок со стројници, завршиле во болница
Сопружниците Б.М. (79) и Р.М. (70) од гостиварското село Трново во саботата околу 21:30 часот биле донесени од нивниот 51 годишен син Н.М. во Медицинскиот центар во Гостивар поради влошување на здравствената состојба откако во нивниот дом престојувале гости.
Според кажувањето на синот и мајката, во нивниот дом дошле три жени, од кои едната се преставила дека е од Албанија, а друга од селото Орќуше, со цел да најдат сопруг за албанска државјанка. При разговорот домаќините конзумирале сок, а по доаѓањето на нивниот син, гостите заминале. По заминувањето на жените, Б.М. и Р.М. веднаш заспале, а за кратко време една од жените се вратила објаснувајќи дека ја заборавила нејзината чанта, влегла во куќата и од една од фиоките зела женска чанта, по што ја напуштила куќата.
Н.М. притоа се посомневал во тоа што неговите родители толку брзо заспале, по што кај нив забележал знаци на поспаност и малаксаност и со возило ги пренел во МЦ-Гостивар.
Од страна на Р.М. притоа било кажано дека чантата која ја зела непозната жена е нејзина и во истата имало 1.300 евра, патни исправи на име на двајцата сопружници и здравствени книшки.
Сопружниците подоцна се префрлени во Клиничкиот центар во Скопје.
Гостиварската полиција превзема мерки за целосно расчистување на случајот. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.