Црна хроника
Момчето кое беше рането во Ѓорче Петров се бори за живот
Момчето кое утрово заедно со својот татко беше рането на влезот од пазарот во скопската населба „Ѓорче Петров“ се бори за живот, информираат од Градската болница „8-ми Септември“.
Момчето кое било на возраст од 22 до 23 години било донесено во болницата во тешка состојба со проширени зеници, без пулст и обилно крварење, особено на левата препона.
„Направена е реанимација, а со помош на колегите од ’Филип 2’ е направена реконструкција на аортата. Сега во стабилна состојба, но приклучено на апарати“, вели доктор Јасмин Циривири, кој утрово бил дежурен хирург.
Вториот повреден бил надвор од животна опасност, имал излив на црниот дроб и контузии на стомакот, грбот и вратот.
Во инцидентот вкупно се повредени четири лица, таткото и синот и уште две лица од спротивната група.
Инцидентот се случи утрово околу 7 часот, кога настанала вербална расправија меѓу две групи. Еден од нив извадил нож и во тепачката се ранети четири лица, меѓу кои момчето се здобило со најтешки повреди./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.