Црна хроника
Четири скопски фирми се обиделе да избегнат плаќање увозни давачки за околу 600.000 денари
Во изминатите неколку денови, царинските службеници открија четири обиди за избегнување плаќање царински давачки, со погрешно тарифирање на стока, пријавена за увозно царинење.
Во првиот случај, на царинската испостава Меџитлија, отсек за стоково царинење, увозник од Скопје пријавил за увозно царинење 24.770 килограми пире од кајсии, декларирано во тарифна ознака за која царинската стапка изнесува 0 проценти а стапката за ДДВ 5 отсто. При физички преглед на стоката, царинските службеници се посомневале дека стоката е правилно распоредена според Царинската тарифа, поради што била земена мостра и истата испратена на проверка во царинската лабораторија, каде било утврдено дека се работи за стока која се распоредува во сосема друга тарифна ознака, за која се пропишани царинска стапка од 30 отсто и стапка за ДДВ од 5 отсто.
Врз основа на новоутврдената тарифна ознака пресметани се дополнителни увозни давачки во износ од 179.705,00 денари.
Во вториот случај, на царинската испостава Скопје 2, увозник од Скопје пријавил за увозно царинење „видео тјунери сет топ блокови – апарати со микропроцесорски уреди со модем за подршка на интернет телевизија“, со вкупна вредност од 57.228 американски долари, декларирани во тарифна ознака за која царинската стапка изнесува 0 отсто а стапката за ДДВ 18 отсто. При физички преглед на стоката, царинските службеници утврдиле дека пријавената стока се сместува во сосема друга тарифна ознака, за која се пропишани царинска стапка од 5 отсто и стапка за ДДВ од 18 отсто, со што се избегнати увозни давачки во износ од 167.081,00 денари.
Другите два случаи се откриени на царинската испостава Аеродром Скопје-отсек за стоково царинење, каде една фирма од Скопје пријавила за увозно царинење „сервер HDXC-INSERV3 со вграден софтвер“, со вкупна вредност од 23.323,00 евра, а друга фирма, исто така од Скопје, пријавила за увозно царинење „контролен панел за вертикален гранулатор, тип МТ-316Ѕ“, со вкупна вредност од 5.050,00 евра. Во двата случаи производите биле декларирани во тарифни ознаки со 0 отсто царинска стапка и 5 отсто стапка за ДДВ, но при детална контрола на истите, царинските службеници утврдиле дека се работи за производи кои се сместуваат во сосема други тарифни ознаки, за кои се пропишани, во првиот случај царинска стапка од 0 отсто% и стапка за ДДВ од 18 проценти, а во вториот случај царинска стапка од 15 отсто и стапка за ДДВ од 18 отсто.
Врз основа на новоутврдените тарифни ознаки, пресметани се и доплатени дополнителни увозни давачки, во првиот случај во износ од 143.086,00 денари, а во вториот случај во износ од 101.042,00 денари./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Свети Николе, пронајдена дрога
На 19.04.2024 во 12.00 часот во Свети Николе, полициски службеници од Полициската станица Свети Николе ги лишиле од слобода Д.С.(34) и Д.С.(34), двајцата од Свети Николе. При претрес во нивниот дом, извршен со судска наредба, била пронајдена и одземена марихуана.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Приведен дилер во Охрид, пронајдена дрога
Денеска (20.04.2024) во 00.55 часот во Охрид, полициски службеници од Одделението за недозволена трговија со дрога и оружје при СВР Охрид го лишиле од слобода Б.Н.(33) од Охрид. Откако бил забележан од полициските службеници во неговото возило, тој фрлил кесичка со бела прашкаста материја која била пронајдена и одземена.
Подоцна, со судска наредба, бил извршен и претрес во неговиот дом, при што биле пронајдени и одземени бела прашкаста материја, дигитална вага со остатоци од бела прашкаста материја и други предмети со остатоци од бела прашкаста материја.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.