Црна хроника
Вкупно 11 повредени во сообраќајна несреќа кај Битола
Вкупно 11 лица се повредени во сообраќајка што се случи во понеделникот попладне околу 18 часот на магистралниот пат од Битола кон државната граница, соопшти МВР.
Сообраќајката се случила кога се судриле камион „мерцедес“ со којшто управувал педесет и четиригодишниот Д.Ј. од Битола и минибус „мерцедес спринтер“ управуван од страна на триесет иедногодишниот А.В.
Со повреди завршиле 11 работници кои се превезувале со минибусот, а работеле на изградба на индустриската зона Жабени.
Сите повредени се пренесени во битолската болница, од каде се префрлени на домашно лекување.
Направен е увид на лице место, а патниот правец два часа бил блокиран./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Почина затвореник во Идризово
Вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане-гостиварско (осудено лице) починал, а лекар од Итна медицинска помош констатирал смрт без видливи знаци на насилство.
Извршен бил увид од увидна екипа од СВР Скопје.
По наредба на јавен обвинител телото на починатиот било предадено на обдукција.
Црна хроника
Украден сеф со пари од продажен објект во Карпош
Во 03.20 часот во СВР Скопје било пријавено дека во продажен објект на подрачјето на Карпош, од страна на непознати сторители, со употреба на физичка сила било влезено и одземен бил сеф со пари.
Се преземаат мерки за расчистување на случајот.
Црна хроника
Со трактор излетал од коловоз, тешко повреден маж во Виничко
Вчера, во 17 часот, во Полициската станица Виница било пријавено дека во село Трстија, Виничко, трактор „фергусон“, со штипски регистарски ознаки, управуван од 63-годишниот С. Ј. од село Нов Караорман, општина Карбинци, излетал од коловозот, извести МВР.
„Во несреќата тешки телесни повреди добил возачот, констатирани во Клиничката болница во Штип“, соопшти МВР.
Извршен бил увид од екипа на ОВР Виница.