Заштитениот сведок на јавното обвинителство кој тврдел дека бил сведок на петкратното убиство на Смилковското езеро деновиве треба да биде сослушан во кривичниот суд.

Адвокатот на обвинетите, Насер Рауфи, за Макфакс вели дека во четврток треба да се знае кога заштитениот сведо Е1 ќе биде сослушан, но тоа треба да се случи деновиве.

Весникот на албански јазик Koha во вторникот излезе со информација дека заштитениот сведок бил жена, што Рауфи не го потврдува и вели дека станува збор за шпекулација.

На сослушувањето на заштитениот сведок јавноста нема да присутвува, во судницата ќе бидат само адвокатите и обвинетите.

Неговиот глас ќе биде мутиран, а ликот заматен, бидејќи овој настан може да го изложи на опасност.

Претходниот заштитен сведок во истрагат за случајот „Монструм“, Хаки Хазири, побара да му го одземат статусот на сведок и сега е осомничен за помагање во тероризам.

Исрагата за овој случај во кој беа убиени четири малди момчиња и еден повозрасен маж на 12 април годинава, треба да заврши до крајот на октомври и да се покрене обвинение.

Алил Демири , Африм Исмаиловиќ и неговиот брат Агим се товарат дека се директни извршители на петкратното убиство, а Фејзи Азири и Рами Сејди се осомничени за помагање.

Тројца од осомничените се во притвор, додека Африм Исмаиловиќ и Алил Демири, се во бегство. /крај/мф/фф