Црна хроника
Ограбена и нападната прилепчанка
Прилепчанка била ограбена и нападната кај селото Алинци, додека се превезувала со автомобил кон Прилеп, соопшти МВР.
Во понеделникот околу 17.30 часот седумдесет и двегодишната Н.Ј. од Прилеп чекала превоз кај битолското село Лозани. Додека чекала, застанал автомобил во кој се наоѓале возачот кој се претставил дека е таксист и уште три други патници.
Жената се качила во автомобилот со надеж дека ќе биде превезена до дома. Но кај селото Алинци, возачот им рекол на жената и уште две патнички да излезат од автомобилот и да го почекаат, за да заврши некоја работа.
Но, прилепчанката била нападната и ограбена. Двете жени ја удирале со клоци и тупаници и украле три златни прстени, златни обетки, синџирчиња, 1.200 денари, односно направиле штета од околу 40.000 денари. Полицијата работи на расчистување на случајот./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.