Црна хроника
Над 50 години затворски казни добија обвинетите во случајот `Ноќ`
Вкупно 51 година и 8 месеци добија обвинетите во случајот `Ноќ`, кој се однесуваше на проституцијата во Македонија.
Еден од организаторите на групата, односно макроата, доби десет години затвор, четворица по осум годни затвор, сопственикот на мотелот доби шест години затвор.
Дел од корисниците на сексуални услуги добија ефективна казна, дел се осудени условно, а дел ослободителна пресуда.
Ова е прв случај да им се суди на корисници на сексуални услуги.
Во акцијата „Ноќ“, којашто се случи во октомври 2011 година кај зградата на МРТВ, беа уапсени 21 лице, макроа и нивни помагачи, еден сопственик на мотел, корисници на сексуални услуги и еден полицаец од полициската станица „Бит пазар“.
Обвинителството ги гонеше за трговија со малолетно лице, организирање група и поттикнување на извршување на трговија со луѓе, криумчарење на мигранти и посредување во вршење проституција.
Првообвинетиот пред судот тврдеше дека бил само `див таксист` и дека нема врска со девојките кои ги запознал на бензиската пумпа „Макпетрол“. Единствено ги возел до нивниот стан во скопската населба Аеродром и им купувал кондоми кога ќе му нарачале.
Обвинителството констатитрало дека во текот на 2011 година била организирана група кои обезбедиле три малолетнички и ги носеле на кејот на Вардар каде се проституирале.
Нивните услуги чинеле од 1.500 до 3.000 денари, пари кои ги земале нивните макроа./крај/фф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.