Црна хроника
Спречен шверц на лекови на „Александар Велики“
Царинските службеници на Аеродромот „Александар Велики“ во Скопје во четвртокот околу 12:00 часот спречија обид за шверц на огромна количина на лекови и медицински помагала.
При влез во државата со лет од Виена, царинските службеници по случаен избор селектирaa патник за царинска контрола, кој поминал на зелен канал, каде што поминуваат патници кои немаат ништо за пријавување.
Откако го отворија неговиот личен багаж (три куфери), царинските службеници пронајдоа голема количина на лекови и медикаменти. На прашање дали патува сам или е придружуван од некој друг, патникот рекол дека патува со група доктори (други 6 лица) со крајна дестинација Албанија.
Превземени се сите мерки за идентификација и лоцирање на другите лица кои веќе биле излезени од царинската зона, и се обиделе да ја одбегнат царинската контрола.
Лицата се вратени назад на детална контрола и при преглед на нивниот багаж (4 куфери) констатирано е дека сите се полни со лекови, медицински помагала и разни хемиски препарати со потекло од САД.
Поголемиот дел од откриената стока е наменета за детска патологија (болести кај доенчиња), дијабетичари, лекови за астма и алергии, разни антибиотици, мултивитамински препарати со голема вредност, неколку апарати за мерење на детски притисок, хормони за ин-витро оплодување и друго.
Повикани се инспектори од Одделението за истраги кои вршат службени разговор со седумте осомничени.
Надлежните детални информации најавуваат по завршување на истражната постапка. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.