Црна хроника
„Детонатор“ се одложи-казнет еден од адвокатите
Главниот претрес за судењето за случајот „Детонатор“ се одложи поради тоа што адвокатот на еден од обвинетите не дојде, а пратил свој заменик кој не бил запознаен со предметот.
Судијката Весна Димишкова оцени дека адвокатот заменик кој донел полномошно десет минути пред судењето не е соодветна одбрана за обвинетиот Стојан Паликрушев и го казни адвокатот кој требаше да го застапува.
Треба да ги плати судските трошоци за денешното судење, за спроводот на обвинетите и 500 евра казна.
На обвинетиот Сашко Стоименов му е укинат притворот и од синоќа се наоѓа во куќен притвор. По одложувањето на судењето, пред судот тој се сретна со оштетениот сведок Драганчо Стоименов, се поздравија и долго стоеја и разговараа пред судот.
Токму Стоименов, според обвинението, бил мета на обвинетите, се обиделе да го убијат три пати. Стоименов, кој сведочеше во петокот, денеска требаше да одговара на прашања на адвокатите и обвинетите, а потоа да сведочи и неговата сопруга, Јанка Стоименова.
Судењето се одложи за на 18 овој месец.
Во судскиот процес „Детонатор“ им се суди на вкупно 16 лица од Виница, Кочани и Штип, двајца од обвинетите се во бегство.
Обвинителството ги гони за обид за убиство, злосторничко здружување, перење пари, затајување на данок, лихварство, насилство и измама./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.