Црна хроника
Убиен маж и тешко ранета жена во Гостивар
Гостиварец е убиен, а триесет и деветгодишна дебранка е застрелана во главата во понеделник вечерта петнаесет минути пред полноќ, на улица Мара Угринова, во близина на железничката станица во Гостивар, соопштуваат од СВР Тетово.
Осомничен за убиството е педесет и едногодишниот М.И. од село Чегране кој пред инцидентот се расправал со дебранката со која подолго време биле во љубовна врска.
Во еден момент чегранецот извадил пиштол и испукал еден куршум во главата на жената.
Шеесет и двегодишниот гостиварец се вмешал, па бил убиен со два куршуми во главата и еден во градите.
Многу брзо на местото на убиството и обидот за убиство стигнал полицаец од гостиварската полиција, па осомничениот бил совладан и приведен.
Телото на починатиот е предадено на обдукција, додека повредената жена поради сериозноста на повредите е пренесена во болница во Скопје, каде лекарите се борат за нејзиниот живот.
Извршен е увид на лице место, и подигнат е пиштолот, три чаури и еден проектил. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.