Црна хроника
Командант Нацист ослободен по обвинението за тероризам
Судот во Гњилане го ослободи поранешниот припадник на таканаречената Ослободителна војска на Прешево, Медвеѓа и Бујановац, Лирим Јакупи Нацист за обвинението за терористички напад на полицијата кај Бујановац во 2003 година, јавуваат српските медиуми.
За ова стигна соопштение од ЕУЛЛЕКС до Макфакс, во кое се вели дека мешовитиот судски совет, составен од двајца судии на ЕУЛЕКС и еден косовски судија во Окружниот суд во Гњилане го ослободи Лирим Јакупи Нацист од сите обвиненија.
„Лирим Јакупи Нацист служи казна затвор поврзана со други случаи во затворот Дубрава. Јакупи е обвинет дека во периодот меѓу 1 и 7 март 2003 година, во близина на административниот граничен премин меѓу Преминот 5 на Косово и полицискиот пункт којшто се наоѓа во близина на селото Кончуљ во Србија, заедно со други лица , како соучесник се обидел да изврши терористички напад“ се вели во соопштението.
Обвинителот на Еулекс го товари Јакупи дека заедно со Аслан и Расим Бајрами и Басри Џемаили во 2003 година го подготвувале и учествувале во терористичкиот напад на двајца припадници на српското МВР на пунктот во близина на Бујановац.
Лирими Јакупи Нацист беше еден од најбараните меѓу албанските криминалци, а уапсен е во Приштина во 2010 година, три години откако на спектакуларен начин побегна од затворот Дубрава
Командант Нацист и уште седум затвореници побегнаа од затворот на 18 август 2007 година, откако почнале да пукаат кон стражарите, кои биле преокупирани одговарајќи на нападите од надворешната страна на ѕидините на тој затвор.
Јакупи и Рамадан Шити побегнале во Македонија, каде во околината Тетово организираа група, наводно блиска со Албанската национална армија, се вооружија и се стационираа во село Бродец.
Во акција на македонските специјалци кон крајот на годината убиени беа вкупно осум припадници на оваа група и беше запленета огромна количина оружје вклучувајќи и модерни противтенковски и противавионски проектили, а Јакупи беше ранет, но наводно успеа да побегне на Косово.
Во 2010 година македонската полиција, кај Блаце и кај Свиларе пронајде големи количини оружје и муниција, а во Свиларе во престрелка со полицијата загина близок соработник на Јакупи, кој во 2004 година му помогнал да побегне од станот во Тетово.
По расформирањето на Ослободителната војска на Прешево, Бујановац и Медвеѓа чиј припадница беше, Јакупи побегнал во Македонија, а во 2004 година заедно Агим Красниќи од Кондово се закануваа дека ќе го бомбардираат Скопје.
Од министерството за правда за Макфакс велат дека барањето за екстрадиција се уште е во сила, но нема стигнато известување, кога Јакупи ќе биде екстрадиран во Македонија, за да одговара за делата во Македонија.
Кон средината на 2009 година, истрага против Јакупи покренаа и српските власти, по сериите напади кај Бујановац и во Прешево, наведувајќи дека тој директно учествувал или праќал членови на својата група со минофрлачи да гаѓаат кон полицијата и да фрлаат бомби на станбена зграда во прешево.
Во два одвоени инциденти тогаш биле ранети четири лица, два припадници на полицијата и една жена и дете од албанска националност./крај/еу/ср/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Две лица од Тетовско измамени за 11 илјади евра: Албанец им ветил дека ќе им отвори фирма во Дубаи, ниту отворил, ниту ги вратил парите
Педесет и седумгодишен жител на тетовско село, вчера во 14 часот и 40 минути во СВР Тетово пријавил дека 58-годишниот М.М. од Република Албанија во текот на минатиот месец нему и на уште едно лице им ветил дека ќе им отвори фирма во Дубаи, а за возврат тие во три наврати му платиле вкупно 11 илјади евра, извести СВР Тетово.
„Но, ниту фирмата им била отворена, ниту парите им ги вратил, по што сфатиле дека се измамени“, соопшти СВР Тетово.
Се преземаат мерки за расчистување и документирање на случајот.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.