Црна хроника
МВР откри сторител на шест тешки кражби во Скопје
Скопската полиција поднесе кривична пријава против лицето Е.В. (24) од Скопје, поради основано сомнение дека на различни места во Скопје извршил шест тешки кражби при што се стекнал со вкупна противправна имотна корист од 110.700 денари (1.800 евра).
Осомничениот ги сторил кражбите, на како што е наведено на особено дрзок начин, во периодот од 16.08. до 05.10. годинава. Пријавениот последното од шесте кривични дела го извршил на 05.10 околу 10 часот на булеварот “Партизански Одреди“, во близина на бензинска пумпа “Макпетрол“, врз оштетената А.Д. (24) при што приоѓајќи и однапред со тргање од вратот и го одзел златното синџирче и избегал, стекнувајќи се со противправна имотна корист од околу 1.700 денари. Но набргу тој е фатен и приведен во ПС Карпош. Претходно на 04.10. околу 16,20 часот, на булеварот “Илинден“, во близина на објектот на Генералштабот на АРМ, Е.В. на идентичен начин овој пат приоѓајќи и од зад грб на оштетаната Н.М. (64) извршил “тешка кражба на особено дрзок начин“ при што и го украл златниот ланец со што истиот се стекнал со противправна имотна корист од 25.000 денари. Ден пред тоа (03.10) околу 09,50 часот на улицата “Симеон Кавракиров“ на идентичен начин со тегнење и кинење од вратот и го одзел златниот ланец на оштетената М.С. (65), со што се стекнал со противправна имотна корист од околу 9.000 денари. На почетокот на месецов односно на 01.10 во 11 часот, на булеварот “Партизански Одреди“ пријавениот ја нападнал Д.С. (61) која седела на клупа пред објектот бр.109 и приоѓајќи и од зад грб и го истргал од вратот златниот ланец при што се стекнал со противправна имотна корист од 25.000 денари. На 19 минатиот месец, пак, во 09,30 часот на улицата “Кеј 13 Ноември“ под мост “Гоце Делчев“ Е.В. извршил – “тешка кражба на особено дрзок начин“ над лицето И.А. (77), при што украл еден златен ланец со што истиот се стекнал со противправна имотна корист од 30.000 денари.Во овие четири случаи, според добиените сознанија, Е.В. веднаш по сторените кривични дела “пленот“ го носел во Клиничкиот центар во Одделението за лечење на наркозависници каде што му ги давал украдените златни ланци на НН лице во замена за по две шишенца метадонска терапија.И последното, односно прво спред временска хронологија извршено кривично дело Е.В. го сторил на 6.08. годинава во 16,25 часот на булеварот “Јане Сандански“ пред зграда бр.61 каде што на особено дрзок начин од оштетената В.С. (68) и го одзел паричникот во кој имало 150 евра, 3.000 денари и друга документација со што истиот се стекнал со противправна имотна корист од 12.000 денари.Во просториите на ПС Карпош, обавен е службен разговор со приведениот Е.В. во кој истиот во целост ги појасни извршените кривични дела. Со Потврда за привремено одземени предмети од него е одземен украдениот златен ланец, а со Потврда за вратени предмети златниот ланец е вратен на оштетената А.Д. Исто така, со наредба од Истражен судија извршен е претрес во домот на пријавениот при што е пронајден еден ланец жолта боја и истиот со потврда за Привремено одземени предмети е одземен. Покрај ова во просториите на ПС Карпош, извршено е непосредно лично препознавање, со оштетените при што од страна на оштетените и сведоците со сигурност е препознаен пријавеното лице. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Тешка сообраќајна несреќа во Кичево – три млади лица го загубија животот, има и тешко повредени
Утрово во 4.50 часот на улицата Магистрален пат во Кичево се случила сообраќајна несреќа помеѓу патничко возило „пежо“ со кичевски регистарски ознаки, управувано од С.И.(19) од Кичево и патничко возило „фолксваген голф“ со кичевски регистарски ознаки, управувано од К.Е.(32) од кичевското село Трапчин Дол.
Од здобиените повреди на местото на несреќата починале возачот К.Е. и неговиот сопатник А.С.(20) од село Трапчин Дол, додека возачот С.И. им подлегнал на повредите на пат кон Комплекот клиники „Мајка Тереза“ во Скопје, велат од СВР Охрид.
Со тешки телесни повреди, констатирани во болницата „Св.Еразмо“ во Охрид и во Комплекс клиники „Мајка Тереза“, се здобиле 19-годишната Т.С. од Кичево, В.П.(21) од селото Подвис, кичевско, П.К.(21) од Кичево и еден малолетник од Кичево, сите сопатници во возилото „пежо“.
На местото на несреќата увид извршиле јавен обвинител и полициски екипи. По наредба на јавен обвинител, телата на починатите се дадени на обдукција.
Црна хроника
Уапсени пет лица од Гостиварско, украле добиток и го продале
Полициски службеници на СВР Тетово-Полициско одделение Галате, вчера во 16 часот и 15 минути и 19 часот и 30 минути ги лишиле од слобода: 23-годишниот Е.Ф., 18-годишниот Ј.М., 27-годишниот Е.А., 18-годишниот А.Д. и 32-годишниот И.Ф., сите од гостиварски Добридол, извести СВР Тетово.
„Тие се сомничат дека во периодот од 23.03. до 28.03.2024 од штала сопственост на 38-годишниот С.М. од истото село, противправно одзеле добиток и потоа го продале на друго лице од тетовско“, соопшти СВР Тетово.
Задржани се во Полициската станица Гостивар и по целосно расчистување и документирање на случајот ќе им бидат изготвени соодветни поднесоци.
Црна хроника
Две лица од Тетовско измамени за 11 илјади евра: Албанец им ветил дека ќе им отвори фирма во Дубаи, ниту отворил, ниту ги вратил парите
Педесет и седумгодишен жител на тетовско село, вчера во 14 часот и 40 минути во СВР Тетово пријавил дека 58-годишниот М.М. од Република Албанија во текот на минатиот месец нему и на уште едно лице им ветил дека ќе им отвори фирма во Дубаи, а за возврат тие во три наврати му платиле вкупно 11 илјади евра, извести СВР Тетово.
„Но, ниту фирмата им била отворена, ниту парите им ги вратил, по што сфатиле дека се измамени“, соопшти СВР Тетово.
Се преземаат мерки за расчистување и документирање на случајот.