Црна хроника
Крадел од почината скопјанка
Засега неидентификуван крадец од стан на почината жена во центарот на Скопје украл предмети во вредност од 600 илјади денари.
Кражбата била пријавена во петокот напладне во полициската станица Центар, од блиска на починатата во чија сопственост бил станот.
Било констатирано дека непознатиот крадец одзел три кутии со разни садови од кристал, вазни и други предмети, четири чешми, правосмукалка, хауба за сушење коса што севкупно се проценува на вредност од околу 10 илјади евра, што се квалификува како кривично дело „тешка кражба“.
Кражбата била извршена, како што утврдила полициската екипа за увид, така што непознатиот се префрлил на балконот на првиот кат и насилно ја отворил вратата, потоа влегол внатре и вршел пребарување низ станот и ги спакувал предметите во кутии.
Потоа раскомотениот крадец се симнал во подрумот, го затворил вентилот за вода и ги демонтирал сите чешми во станот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.