Црна хроника
Скопјани и Србин сексуално експлоатирале босанска државјанка
Единицата за трговија со луѓе и криумчарење мигранти при Центарот за сузбивање на организиран и сериозен криминал поднесе кривична пријава против две лица од Скопје и еден српски државјанин.
Станува збор за 45-годишниот А.М. и 46-годишниот И.С. од Скопје и српскиот 23-годишен државјанин С.А, коишто се омничат дека сториле кривично дело „трговија со луѓе“.
Тројцата се сомничат дека прифатиле, сместиле и со закана и присила посредувале при вршење на сексуална експлоатација над една босанска државјанка. Истражен судија на пријавените им одреди мерка притвор во траење од по 30 дена.
Имено, спрскиот државјанин С.А. во текот на минатиот месец во соседна Србија се запознал со 23-годишната В.С. од Босна и Херцеговина каде што таа времено престојувала и со измама за склучување брак ја врбувал и ја донел во заблуда по што заедно илегално влегле во Република Македонија.
Оштетената била сместена во куќата на А.М. кој и’ ги одзел личните документи и мобилниот телефон, а потоа заедно со С.А. со принуда, ќотек и сериозни закани по нејзиниот живот сексуална ја експлоатиалеа.
Така, девојката била принудувана да дава сексуални услуги на клиенти за сума од 500 до 1.000 денари, кои морала да му ги предава на С.А., а при пронаоѓање на клиенти посредувал и пријавениот И.С.
На 3-ти октомври годинава девојката успеала да избега од куќата на А.М. и случајот го пријавила во полициската станица Бит пазар./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.