Црна хроника
Обезбедувачите ќе можат да користат оружје и дресирани кучиња
Обврските и овластувањата на вработените во приватното обезбедување ќе се уредат со нов Закон за агенции за обезбедување, којшто го предлага Министерството за внатрешни работи и наскоро треба да влезе во собраниска процедура.
Доколку биде усвоен овој Закон, обезбедувачите ќе можат да вршат проверка на идентитет, предупредување, забрана на влез и неовластено снимање, задржување, преглед на лица, предмети, возила и багаж.
Предлог законот им овозможува и да употребуваат средства за присила, физичка сила, гумена палка, средства за врзување на лица, хемиски средства-спреј, огнено оружје и дресирано куче.
„Една од целите кои треба да се остварат со овој Предлог е и ограничување, како на поседувањето, така и на употребата на огненото оружје од страна на правните лица кои вршат приватно обезбедување. Во таа смисла, Предлогот предвидува ограничување за правните лица кои вршат приватно обезбедување во поглед на количината на оружје која може да ја поседуваат“ изјави министерката за внатрешни работи, Гордана Јанкулоска.
Предлогот се базира на прецизно разграничување на видовите на приватно обезбедување – во вид на услуги и за сопствени потреби, но и на условите што треба да се исполнат со цел вршење на одреден вид на обезбедување.
Потоа се врши и натамошно разграничување во однос на начините на кои може да се врши приватното обезбедувањето, кое во зависност од видот, може да биде физичко и техничко обезбедување.
Предлогот утврдува воспоставување на Центар за обезбедување и надзор како посебна просторија опремена со технички уреди за автоматски прием и обработка на алармни сигнали и информации, со што од друга страна се врши усогласување со функционирањето на правните лица во праксата. /крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.