Црна хроника
Обвинителство: Има цврсти докази за масакрот кај Смилковци
Основното јавно обвинителство за гонење на организиран криминал и корупција во текот на денешниот ден ќе поднесе обвинителен акт за петкратното убиство што се случи кај Смилковското езеро.
По завршената истрага, Обвинителството оценува дека има доволно цврсти докази за масакрот кај Смилковци.
„Доказите ќе бидат изнесени пред надлежниот суд, со кои ќе се докаже дека обвинетите навистина ги презеле дејствијата опишани во обвинителниот акт кои ги спојуваат битните елементи на кривичните дела кои се ставаат на товар“ се вели во соопштението од Јавното обвинителство до кое стигна Макфакс.
Според извори во Обвинителството, обвинението ќе биде поднесено во текот на денот и е во крајна фаза на изработка.
Во соопштението од Јавното обвинителство се демантираат шпекулациите во медиумите дека и е истечен мандатот на обвинителката во овој случај, Гордана Гешковска и други обвинители во Обвинителството за организиран криминал и корупција.
Од таму апелираат медиумите да не шпекулираат и со идентитетот на заштитениот сведок.
Во петок е последниот рок до кога Јавното обвинителство треба да поднесе обвинение против шестмината осомничени за масакрот кај Смилковското езеро, во спротивно обвинетите треба да бидат пуштени на слобода.
Во четвртокот беше направена реконструкција на петкратното убиство и беше комплетирана истрагата за овој случај.
Истражниот судија, Владимир Туфегџиќ изјави дека со реконструкцијата на која присуствуваа, истражниот судија, обвинители, адвокати и сведоци, се расчистиле многу битни прашања за овој случај.
Тројца сведоци кои досега не побарале статус на заштитни, како и заштитниот сведок Е-1, кој бил маскиран, објаснувале што се случило на кобното место.
Во текот на денешниот ден, истражниот судија најави дека ќе го предаде предметот до Јавното обвинителство.
На 12 април кај Смилковското езеро свирепо беа убиени четири млади момчиња и еден повозрасен маж.
Алил Демири, Африм Исмаиловиќ и неговиот брат Агим, се товарат дека се директни извршители на петкратното убиство, а Фејзи Азири и Рами Сејди се осомничени за помагање.
Тројца од осомничените се во притвор, додека Африм Исмаиловиќ и Алил Демири, се во бегство, а полицијата се сомнева дека избегале на Косово. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.