Црна хроника
Разбиена група што врбувала и превезувала потенцијални азиланти
Четири лица, од кои еден полицаец, заработија кривични пријави затоа што организирано врбувале, регрутирале и превезувале заинтересирани лица од Р. Македонија, потенцијални баратели на економски азил во земјите на ЕУ.
Кривични пријави се поднесени против 45 годишниот А.Н. и неговиот 28 годишен син А.Џ., двајцата од Кочани, потоа 38 годишниот А.Д. од село Опае, кумановско и 38 годишниот И.И. од село Биљановце, кумановско, полициски службеник во ПС за ГК Табановце.
Имено, пријавените А.Н. и А.Џ. како организатори на криминална група од подрачје на Кочани, Виница, Прилеп и Битола врбувале лица потенцијални баратели на економски азил и за износ од 250 до 350 евра од лице им организирале превоз кон западноевропските држави, додека пријавениот полициски службеник злоупотребувајќи ја службената положба (за парична надокнада од 50 до 70 евра од лице) без да ги евидентира во системот за гранична контрола на ГП Табановце, им овозможувал излез од Р.Македонија.
На 23 октомври пријавените А.Н. и А.Џ. организирале превоз на седум полнолетни лица и две деца од подрачје на повеќе градови (Прилеп, Битола, Кочани и Виница) од Р.Македонија кон Минхен – Германија. Лицата до Куманово ги превезле со ПМВ и времено ги засолниле во куќата на пријавениот А.Д. Потоа истиот обезбедил две ПМВ- такси возила (Мерцедес караван и Опел Вектра караван) за натамошен превоз на лицата преку ГП-Табановце до одредена локација во Р. Србија, од каде ги превземал пријавениот А.Џ. со негово ПМВ кој претходно остварил излез на ГП Табановце со цел да ги прифати “азилантите“ и да го продолжи транспортот. За да овозможат непречено преминување на лицата преку ГП Табановце, А.Н. му дал 400 евра на лицето од Опае, како паричен надомест за полицискиот службеник, кој извршил пропуштање на лицата без да ги евидентира во системот за гранична контрола.
По остварена соработка со полициските служби на Р.Србија, А.Џ. и лицата потенцијални баратели на економски азил во земјите на ЕУ, биле пронајдени кај местото Предејане и на ден 24 октомври се вратени во Р Македонија.
По преземени мерки пријавените се приведени и по целосно документирање на случајот истите со кривична пријава се предадени на надлежен Истражен судија за натамошна постапка. Од страна на ИС на тројца од нив им е изречена мерка притвор во времетраење од 30 дена, додека на лицето од Опае му е изречена мерка куќен притвор. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.