Црна хроника
Четири лица уапсени во одделни случаи на граничните премини
Македонските гранични органи во саботата имале полни раце работа, при што привеле четири лица, во исто толку одделни случаи.
Во три случаи уапсени се македонски државјани во обид да ја напуштат земјата, а за кои претходно била издадена наредба да се лишат од слобода, додека во четвртиот случај е приведен косовски државјани при излез во државата, кој имал фалсификувани документи.Како што соопшти МВР, на скопскиот аеродром со воздухопловот на авиокомпанијата „АИР Берлин“, се пријавило да патува лицето М.Р.(1990) од с.Шипковица-Тетово. Од страна на УПС при проверка во ОЕ утврдено е дека истото се евидентира со мерка „апси“ по барање на СВР-Скопје од 21.10.2012 година. Лицето е предадено за понатамошна постапка.На ГП„Богородица“ за излез од Македонија, од страна на УПС лишен е од слобода Д.Р.(1974) од Скопје, затоа што при проверка во ОЕ истиот евидира со мерка „лиши од слобода“, врз основа на наредба од 25.09.2012 година од Основен суд Скопје 1. Истиот е спроведен до КПУ„Затвор“-Скопје.На ГП„Делчево“ на излез од државата, од страна на УПС лишен е од слобода Т.В.(1968) од Скопје, затоа што при проверка во ОЕ истиот евидира со мерка „Лиши од слобода и спроведе до КПУ затвор-Скопје“, а се бара по наредба од 25.09.2012 година од Основен суд Скопје 1. Истиот е предаден за спроведување до КПУ затвор-Скопје.На ГП„Богородица“ за излез од Македонија со автобус сопственост на АТ„Македонија Сообраќај“, кој сообраќа редовна линија Скопје-Солун, се пријавил косовскиот државјанин Х.М.(1978). Од страна на УПС при пасошка контрола утврдено е дека швајцарската дозвола за престој е фалсификувана, по што на Х.М. не му е дозволен излез од Р.Македонија. Истиот е приведе и, му е одредена мерка „Притвор“ во траење од 30 дена. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Детали за кражбата на сефот во скопско Црниче: 23-годишник е еден од осомничените
Основното јавно обвинителство Скопје поведе постапка против 23-годишник осомничен за кривично дело тешка кражба од член 236 став 1 точка 1 од Кривичниот законик.
Ноќта меѓу 31 март и 1 април, осомничениот, заедно со уште три лица, провалил во затворен маркет на улицата Востаничка во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или сѐ во вкупна вредност од 285.000 денари.
Со возило пристигнале пред маркетот, со употреба на погоден алат – хебла, клешти и друго дејствувале врз влезната врата од маркетот, но не успеале да ја отворат. Еден од сторителите го стартувал возилото и удрил со задниот дел кршејќи ги двете лизгачки врати. Потоа тој и другите осомничени ги демонтирале и ги поставиле покрај влезот од маркетот. Преку така направениот отвор, сега осомничениот, заедно со другите лица, влегол во просторијата наменета за вработените, од каде што ги одзеле металниот сеф со дневен промет и цигарите, па заминале во непознат правец.
Бидејќи постојат околности што очигледно укажуваат на опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор на осомничениот. Полицијата соопшти дека работи на откривање на неговите соучесници.
Црна хроника
Казни за 153 возачи во Скопје
Секторот за внатрешни работи Скопје во текот на вчерашниот ден (18.04.2024) продолжи со контролите во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 28 санкции, 13 мерки за возење без возачка дозвола, 13 санкции за прекршоци што ги прават возачите на мотоцикл, девет мерки за користење мобилен телефон при возење.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.