Црна хроника
Спречен шверц на свежа пастрмка
Царинските службеници од граничниот премин Ќафасан спречија два обиди за влез на непријавена стока, при што биле запленети 21 килограм свежа пастрмка и еден мотор за комбе.
Во првиот случај, при контрола на патничко моторно возило со македонски регистарски ознаки, пријавено за влез во државата, биле откриени непријавени 21 кг свежа пастрмка. Рибата била пронајдена во три најлонски ќеси, сместени под задното и пред совозачкото седиште на возилото.
Во вториот случај, при контрола на патничко моторно возило-комбе со македонски регистарски ознаки, пријавено исто така за влез во државата, царинските службеници, во просторот позади седиштата, откриле непријавен комплет мотор за комбе, марка Mercedes Benz Sprinter.
Во двата случаи непријавената стока е привремено задржана, а против прекршителите, двајцата македонски државјани, поднесени се барања за поведување прекршочна постапка. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.