Црна хроника
Кошаркар од Јамајка кој играл во Србија, прегази девојка во Белград
Единствениот странец во српската кошаркарска лига, Кимани Френд во петокот вечерта со автомобил прегазил дваесет и деветгодишна девојка во центарот на Белград, јавува Блиц.
Несреќната девојка, Невена Драгутиновиќ, која починала на местото на несреќата, во моментот на ударот била е со својата сестра близначка, која по претрпениот шок е префрлена во Ургентен центар.
На Френд, кому му измерено 0,98 промили алкохол во крвта, му е одреден 48 часовен притвор.
Сообраќајката се случила околу 4,20 часот на аголот на улиците „Цар Душан“ и „Француска улица“.
Триесет и петгодишниот кошаркар од Јамајка ја прегазил девојката на пешачкиот премин на левата лента. Според неговата изјава што им ја дал на полицајците, тој се обидел да избегне таксист, кој стоел на десната лента.
Од Итната помош велат дека повикот за помош го добиле во 4.24 часот, и дека им било соопштено дека се работи за сообраќајна несреќа.
„Кога екипата излезе на терен, девојката не даваше знаци на живот, а можеа да се видат тешки повреди на главата“ вели Нада Мацура од Итната помош.Френд во петок го напушти кошаркарскиот клуб „Металец“, а требаше да премине во Валјадолид.
Овој играч стигна во кошаркарскиот клуб во Ваљево, во септември како слободен агент. Освен во Србија Кимани играл во Турција, Италија, Венецуела, Кореја, Иран и Шпанија. /крај/бл/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против битолчанец, ставил под хипотека туѓ недвижен имот во Охрид и стекнал корист од 352 илјади денари
СВР Охрид поднесе кривична пријава против 61-годишниот К. Р. од Битола поради постоење основи на сомнение за сторени кривични дела неизвршување судска одлука и самовластие.
„Тој, свесно и спротивно на судска пресуда, става под хипотека недвижен имот во Охрид сопственост на друго лице и на тој начин стекнал противправна имотна корист од 352.000 денари“, велат од СВР Охрид.
Топ
Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец
Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против правно лице од Скопје за сторено кривично дело узурпација на недвижности од чл. 225 од КЗ на РСМ.
А. Р. како сопственик и управител на второпријавеното правно лице подолг временски период противправно завладеал имот, сопственост на државата, и го ставил во владение на своето правно лице.
Имотот што се наоѓа веднаш до цветниот пазар зад Поликлиниката ‘Бит-пазар’ во Скопје, кој претставува градежно неизградено земјиште во општа употреба во сопственост на државата, А. Р. противзаконски го оградил со наплатна рампа и куќарка за наплата на влез-излез на предметното земјиште, каде што за секој влез-излез наплаќал соодветен паричен надомест и на тој начин го оневозможил слободното движење и користење на предметниот простор од страна на граѓаните и институциите на РСМ.
Црна хроника
Уапсен 39-годишник од Студеничани, возел „џип компас“ евидентиран во базата на Интерпол како украден
Вчера попладне, во 15.40 часот, на граничниот премин Долно Блаце, полициски службеници го лишиле од слобода 39-годишниот Џ. Р. од село Црн Врв, општина Студеничани, извести МВР.
„При извршена гранична контрола било констатирано дека патничкото возилото ‘џип компас’, со италијански национални ознаки, кое го управувал, сопственост на правно лице од Италија, е евидентирано во базата на Интерпол како украдено“, соопшти МВР.
Тој бил задржан во Полициското одделение Мирковци, а возилото било одземено за понатамошна постапка. По целосно документирање на случајот, ќе биде поднесен соодветен поднесок.