Црна хроника
Двајца прилепчани заработија кривични за измами
Прилепската полиција поднесе кривични пријави за два одделни случаи на измама, едниот за нарачка и неплаќање поголемо количество прехранбени производи, а вториот за неизвршена а наплатена услуга.
Во првиот случај 41-годшна жителка на Прилеп, претседателка на Здружение за развој и унапредување на земјоделско производство и тутунопроизводство „Тежок лист“ од Прилеп е пријавен за кривично дело „измама“. Имено таа на 26-ти мај годинава од сопственикот на ресторанот „Јадран“ нарачала угостителски услуги (храна и пијалоци) во износ од 57.469 денари, наводно за гости од тутунско здружение од Албанија, ветувајќи му дека порачката ќе биде платена од страна на Здружението „Тежок лист“, иако знаела дека Здружението не располага со финансиски средства. Откако ја подигнала порачката, пријавената досега не ја платила.
Во вториот случај, 34-годишен жител на прилепското село Ропотово, исто така, е пријавен за делото „измама“, бидејќи на 3-ти октомври годинава на 57-годишна жена и’ зел 1.800 евра, како аванс наводно да купи материјали со кои собите на спратот од нејзината куќа ќе ги изработи со кнауф материјал. Откако сега пријавениот извесен период не дошол и воопшто не одговарал на телефонските повици од оштетената, таа случајот во полиција./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.