Црна хроника
Екстрадиран еден од главните идеолози на радикалниот ислам
Еден од најголемите приврзаници и идеолози на радикалниот ислам во Македонија и во поширокиот регион, Шукри Алија, во средата е екстрадиран од Косово во Македонија, соопшти во средатa попладне македонската полиција.
Македонското министерство за внатрешни работи не исклучува негово евентуално влијание врз уапсените и другите лица инволвирани во петкратното убиство кај Смилковското езеро.
Според МВР тој се јавува како иницијатор на протестите и безредијата организирани по полициската акција „Монструм“ кога беа уапсени обвинетите за убиството на петте лица во близина на главниот град Скопје. Според некои сознанија Алија дури им се заканувал на полицајците од албанска националност вработени во МВР
Истрагата за случајoт „Монструм“ во кој беа убиени четири млади момчиња и еден повозрасен маж на 12-ти април годинава, заврши на крајот од октомври. Алил Демири , Африм Исмаиловиќ и неговиот брат Агим се товарат дека се директни извршители на петкратното убиство, а Фејзи Азири и Рами Сејди се осомничени за помагање. Тројца од осомничените се во притвор, додека Африм Исмаиловиќ и Алил Демири, се во бегство.
„Досега лицето не фигурира во кривичната пријава, којашто беше подонесена од страна на МВР против осомничените сторители и помагачи во врска со грозоморното убиство на Смилковското езеро Но сепак, ќе се проверува неговата евентуална инволвираност и неговата евентуална улога, бидејќи не е исклучено дека имал некакво влијание врз строителите, имајќи го предвид фактот дека според оперативните сознанија фигурира како еден од главните идеолози и ментори на следбениците на радикалниот ислам во Република Македонија“, изјави за медиумите Иво Котевски, портпарол на македонското министерство за внатрешни работи.
Алија кој е инволвиран и во други кривични дела, во средата попладне е пренесен во истражниот затвор во Шуто Оризари за издржување на тригодишна затворска казна за насилство и малтретирање на имамите од Исламската верска заедница во Република Македонија, кога според МВР сакал да направи преврат во муслиманската заедница од земјава.
Алија се смета за десната рака на Рамадан Шукри кој загина во полициска акција „Бура“ кај тетовското село Бродец со кого заедно кај Дебар биле фатени со огромно количество експлозив.
Постојат сомневања, исто така, дека тој учествувал во убиството на таксистот во скопското село Визбегово./крај/фф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.