Седумдесет и едногодишна жена од Скопје вчера била пронајдена почината во нејзиниот стан на улицата Женевска во Скопје.

Починатата ја нашол нејзиниот син, кој повикал брза помош, при што лекар констатирал смрт.

По наредба на Јавен обвинител, телото е предадено на обдукција.

До Секторот за компјутерски криминал и дигитална форензика при МВР, преку сервисот „Црвено копче“ пристигната е пријава за лице кое на сервисот за споделување видеа „Тик-ток“ се снима додека врши палење на јавни површини.

Пријавата е доставена до СВР Скопје, како надлежна организациска единица која постапува по сторени кривични дела од таа област. МВР презема мерки и активности за утврдување на точниот идентитет на снимката и на учесниците во неа, како и за понатамошно расчистување на настанот.

Две несреќи се случија утринава на патот Охрид – Кичево, а повредени се пет лица. Пред влезот во Охрид се преврте камион, а повреден е возачот, кој е префрлен во болница. За оваа несреќа нема информации дали е предизвикана поради невнимание или е сообраќајна незгода. Инаку, камионот, кој учествувал во несреќата, е во сопственост на компанијата што работи на изведбата на патот Кичево – Охрид.

Во одделна сообраќајна несреќа помеѓу два автомобила во близина на селото Песочан повредени се четири лица, кои со брза помош се префрлени во охридските болници. Засега нема информација која е причината за сообраќајната несреќа, но и каков тип на повреди имаат учесниците во несреќата. Увидот на полицијата трае по што МВР ќе соопшти повеќе информации.