Црна хроника
МО и ГШ на АРМ негираат дека избил пожар каде што се чуваат доверливи документи
Министерството за одбрана(МО) и Генералштабот(ГШ) на АРМ негираат дека избил пожар во соба во ГШ каде што се чуваат сите документи на вработените во Министерството и документи означени како „строго доверливо“ и како „државна тајна“.
Од ГШ на АРМ за Макфакс потврдија дека имало пожар, но не во просториите на Генералштабот, туку во канцеларија на Министерството за одбрана.
Од Министерството за одбрана исто така потврдуваат дека имало имало некој проблем со електричната инсталација од која настанал пожар, но со многу мала штета. Од таму негираат дека тоа е канцеларија каде се чуваат доверливи документи и најавија соопштение до јавноста за овој случај.
Од Министерството за внатрешни работи велат дека во среда утрото добиле известување за пожар во простории на Министерството за одбрана.
Порталот мкд.мк во среда објави дека избил пожар на шестиот кат од зградата на Генералштабот, и тоа во собата на главната благајна, каде што се чуваат сите документи за исплати и уплати врз основа на аванси, дневници за учество во странски мисии, каде што се сите податоци за планираниот и потрошен буџет на МО, каде што ги има сите каса–прими и други трансакциски финансии на МО, сите потврди на вработените во Министерството за нивните барања за кредити по банките и потврди за напишаните висини за нивните плати при аплицирањето. Некои од нив се означени како „строго доверливи“, а некои од нив како „државна тајна“.
Според изворите на порталот, пожарот, пламнал во среда во шест часот утрото, а веќе во десет часот на шестиот кат од ГШ на АРМ работеле екипи, кои поставувале нова електрична инсталација, но интервенирале и на менување на звучниот аларм во случај на пожар.
Министерството за одбрана и Генералштабот на АРМ се наоѓаат во иста зграда./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.