Црна хроника
Продолжение на „Керозин“ – уапсени уште десет лица
Полицијата уапси уште десет лица во рамките на полициската акција „Керозин“.
Вработени во општина Чаир, Јавната здравствена установа (ЈЗУ) Институт по белодробни заболувања кај децата Козле-Скопје, СУГС Браќа Миладиновци Драчево-Скопје, Државен студентски дом „Бранко Станоевиќ“ од Гостивар, ЈЗУ Општа болница Куманово и Општина Гази Баба, сите се задолжени да вршат прием или контрола на испорачаните количества нафта.
Осомничени се дека примале поткуп, за злоупотреба на службена положба и овластувања, со тоа што им овозможиле на членовите на криминалната група да не ги испорачаат количествата нафта за греење кои се наведени во испратниците изготвени од Друштвото „Алама комерц“, но да им биде извршено плаќање по истите испратници, како целокупните количества да биле испорачани.
Пред еден месец полицијата приведе девет лица од Неготино осомничени за неисполнување на обврските од договорите што ги имале склучено за јавни набавки, транспорт и испорака на нафта на државни институции или органи на локалната самоуправа.
Оваа година, фирмата „Алма комерц“ имала добиено 150 тендери за транспорт и испорака на нафта за греење./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.